Hina thaam lo, mujhe mat jane do...

zindagi heran hai, abhi khawab pareshaan hen
Sir thapak do...mujhe soo jane do...

Ghazabnak hai haqiqton ka sooraj mujh pr
Pheelao aanchal, mujhe sir chupane do...

Saans phooli hai dil ka bojh kiss se bantoon
Tum uthao gi? nahi nahi,choro jane do...

Udasiyaan mere sang,naye safar ki aarzo mand
Hina thaam lo, mujhe mat jane do...

Sunoo Apni dharkan ki awaaz...

Sunoo....!

Apni dharkan ki awaaz

Mehsoos karo in Hawaon men ehsaas

Kay pao ge me makh'soos khushboo ksi ki...

yahan hi hai...

Koi tumhare aas paas....

Qabooliyat........!!

Thaamon gi haath tumhara sath tumhare chaloon gi
Bharoosa rakho mujhe pr, dard aashna rahoon gi...

Sadiyaoon ki thakan ko paloon men sameetna hai
Thandak ki shidat men hararat tumhari banoon gi...

NaR'sai ka azab jo tum ne chakha hai,
Mehsoos men ne bhi kiya hai, dard mujhe bhi huwa hai...

Aaena hun tumhara, Chupa nahi sakoon gi
Gam tumhare hen jitnay apne aanchal men sameetoon gi...

Dil se boojh utaro aur sakoon se soo jao
Udasiyan sab tumhari men ab door karoon gi...

Tumharey jazboon ki shidat Rooh meen utarti hai
Issey qaem rakhna warna khud se rooth jao gi...

Tumhare Ankhen hi tumhari zubaan ho jati hen...

Hum dheroon bateen karty hen
Suntay aur sunaty hai
Lekin ...
Sunoo,
Kuch kahun Aaj tum se...
Jab batoon k doraan tumhara lehja badalnay lagy,
Tumhare lafz saath na den..
Jumloon ki shikasta rawani pe afsoos ho,
Zabaan bagawat kare
Iss pal...
Men ne suna hai
Tumhare Ankhen hi tumhari zubaan ho jati hen....

Aadat...!!

Wo kehta hai

Aadat hai tumhen

Hr jaga apna nam likhne ki

Maan gai iss k mushahiday ko

Jab be khayali men likh dala...

Iss k hi idil pe,

Apna naam...!!

Sansoon ki rawani men ha baseera uss ka,

Aur bhool jane ka shikwa ghafil sare-bazar karta hai....!!

Tashkar

Khamoshi cha rahi hai har su,

Andhere ka sakoot hai...

Har shaks ghumzada hai,

Heran har zee rooh hai,

Duniya k khail men,

Koi jeeta koi hara hai...

Iss duniya k har rang men,

Ay KHUDA karam sirf tumhara hai......!!

(~~~Hina~~~)

KAHIN TO US KI HASTI MERE WAJOOD MEIN SHAMIL HAI

SOTE SOTE JAGNA , APNI TO ADAT NA THI...

(~~~Hina~~~)